Sinhala
English
Tamil
1916 වර්ෂයෙ 1918 වශයෙනි තවද ජනවහරට අනුව පැරණි පන්සල් වත්තේ කොටසක කටු මැටි ගසා පිදුරු සෙවිලි කරණ ලද මඩුවක මුල් ගුරුතුමෙකු විසින් මෙම පාසල ආරම්භ කොට ඇති බව කියවේ .
සොදුරු පරිසරයක පිහිටි අප පාසල අද වන විට ප්රදේශයටම අලෝකයක් වූ කීර්තිමත් විදු බිමක් බවට පත්ව ඇත.
පාසල රජයට පවරා ගැනීමත් සමග භෞතික අතින් පාසල තව තවත් සංවර්ධනය වූ අතර, පසුකාලීනව නව ගොඩනැගිලි දෙකක්, ගුරු නිවාසයක් සහ කාර්යාල ගොඩනැගිල්ලක්ද පාසලට එකතු විය.
ග්රාමීය විවිධ දක්ෂතාවලින් පිරිපුන් සිසුන් අප පාසලට එකතු වූ අතර අධ්යාපනයේ ද කැපී පෙනෙන වර්ධනයක් ඇති විය. පාසලේ සිසුවෙකු මුල් වතාවට විශ්වවිද්යාල වරම් හිමි කරගැනීමට 2021 වසරේ සමත් වූ අතර ඉන් පසුව වාර්ෂිකව විදුහලෙන් විශ්ව විද්යාල අධ්යාපනය සදහා සුදුසුකම් ලැබූ සිසු සංඛ්යාව ද ඉහළ ගියේ ප්රදේශයටද විදුහලේ කීර්ති නාමයටද තවත් වටිනාකමක් එක් කරමිනි. එදා මෙදා තුර පාසලෙන් බිහිවූ විද්යාර්ථීන් රටේ විවිධ උසස් තැන්වල තනතුරු දරමින් රටට දැයට අමිල සේවයක් ඉටුකර ඇති අතර, එය විද්යාලය ලැබූ ඉහළම ගෞරවය ලෙසද සදහන් කළ යුතුය.
වර්ෂ 1990 න් පසු විද්යාලයේ භෞතික සංවර්ධනය සදහා සුවිශේෂි දායකත්වයක් ලැබුණු යුගය වන අතර, ක්රීඩා පිටියක්, විද්යාගාරයක්, පුස්ථකාලයක් ද පාසලට එකතු විය.
විද්යාලයේ අධ්යාපනික කටයුතු ප්රාථමික අංශය, ද්විතීයික අංශය වශයෙන් ක්රියාත්මක වන අතර විද්යා ගණිත අංශය, ඉංග්රීසි අංශය, ක්රීඩා අංශය, සෞන්දර්යය අංශය, ප්රමුඛස්ථානයක් අත් කර ගනී. ඒ හැර පරිගණක ඒකකය, පුස්තකාලය සක්රීය අයුරින් පවත්වාගෙන යයි.
විෂය බාහිර කටයුතු ලෙස ක්රීඩා, සමිති සමාගම්, චාරිකා, අධ්යාපනික ප්රදර්ශන, විවිධ ආගමික වැඩ සටහන්,සාහිත්ය උත්සව, නායකත්ව පුහුණු වැඩ සටහන්, රථ නියාමක කණ්ඩායම්, විවාද කණ්ඩායම, මාධ්ය ඒකකය, ප්රථමාධාර ඒකකය , ශිෂ්ය භට, බාලදක්ෂ, පරිසර නියමු වැඩ සටහන්, විවිධ සුභ සාධන කටයුතු, විවිධ ප්රසංග, සිංහල අලුත් අවුරුදු උත්සව ආදිය සාර්ථක ලෙස ක්රියාත්මක කරයි.
මේ වන විට විද්යාලයේ ආචාර්ය මණ්ඩලය 23ක් වන අතර, අනධ්යන කාර්ය මණ්ඩලය 4කින් සමන්විතය. තුන්සිය පනහක් පමණ වූ සිසු දරුවන්ගේ අධ්යාපනය ඉහළට ඔසවා තැබීම සදහා එම කාර්ය මණ්ඩලය නිරන්තරව ඇප කැප වී සිටී. "ගුණ නැණ පිරි යහපත් දරැවෙක් බිහි කිරිම" යන දැක්ම අනුව යමින් ලංකාව පුරා විදුහල් සමග උරෙනුර ගැටෙමින් සෑම අතින්ම ජයග්රහණය කරා පියමැනීමට, අධ්යන, අනධ්යන කාර්ය මණ්ඩලයේද, දෙමාපියන් හා අධ්යාපන බලධාරීන්ගෙන් ද ලැබෙන සහය විශාල ශක්තියකි. වර්ෂ 2024 වන විට කලාපයේ පාසල් අතර ගුණාත්මක සංවර්ධනයේ ප්රමුඛස්ථානයට ලගා වීම අප පාසලෙහි අපේක්ෂාව වන්නේය.